Федерацијата на гимнастичките спортови на Република Македонија своите активности во текот на 2024 година ќе ги остварува преку работа на органите на Федерацијата, нивните работни тела, стручните комисии и одговорните лица (комесари) за одредени сегменти на гимнастичките спортови, со цел да се спроведат целите и задачите утврдени во Статутот на Федерацијата.
Федерацијата особено внимание ќе посвети на:
- Продолжување со остварување на усвоената Долгорочна програма за развој на машката спортска гимнастика, женската спортска гимнастика, ритмичката гимнастика и спортската акробатика од 1997 година, како и преиспитување на истата, согласно реалните состојби во друштвата и федерацијата и тоа особено на факторите:
- Дефинирање на организационо – стручната поставеност на облиците – сегментите од програмата;
- Дефинирање од реалната потреба од просторно технички услови;
- Креирање на политика на стручни кадри;
- На единствена програма за омасовување на натпреварувачката база;
- Дефинирање на единствена и стабилна политика на финансирање, како и обезбедување нови извори на финансиски средства;
- Креирање на динамика на гимнастички приредби и ускладување на најподесен систем на натпревари во поедини облици – сегменти од гимнастиката и гимнастичките спортови.
- Дефинирање на статусот на спортските објекти, за потрајно и постабилно уредување на нивното користење и управување, како и перманентна грижа и пратење врз одржувањето и користењето на спортските објекти низ Република Македонија и тоа на оние кои се добиени на трајно користење и управување како и на оние кои се сопственост на друштвата и Федерацијата.
- Пратење и целосна грижа врз остварување на акционите програми кои произлегуваат од долгорочната програма за машка спортска гимнастика, женска спортска гимнастика, ритмичка гимнастика и спортска акробатика.
- Пратење и целосна грижа врз остварувањето на акционите програми донесени и усвоени на останатите облици – сегменти од фамилијата на гимнастички спортови (спорт за секого, аеробик, трамплин).
- Потенцирање на делови од долгорочната програма и преземање активности и мерки за дефинитивно решавање на неопходните предуслови, особено во одредени гимнастички центри, и тоа:
- Немањето на олимписки справи за одржување на меѓународни приредби;
- Немање на витални помагала (подиум, акробатска патека, тренажери, ложни), за објективно позитивен тренажен процес во машка и женска спортска гимнастика и ритмичка гимнастика.
- Поттикнивање на издавачка дејност, а особено превземање мерки за издавање популарно списание за афирмација на гимнастиката и гимнастичките спортови.
- Помош во отпочнатата форма на организирање Меѓународни приредби (Кичево, Битола), како и превземање на конкретни активности за организација на меѓународен натпревар во РМ.
- Програмата ќе се применува од 1.01.2024 година.
Федерација на гимнастичките спортови на
Република Македонија
Претседател
Арнаудов Љупчо
