Македонската гимнастичка федерација учествува на конгресот на Светската гимнастичка федерација, кој се одржува во Доха, Катар. На овој значаен собир, ќе се избира нов претседател на федерацијата со четиригодишен мандат. Нашата делегација е претставена од претседателот Љупчо Арнаудов и од Хелена Штрбац, надворешен соработник за меѓународни односи.

Учеството на Арнаудов и Штрбац на конгресот има за цел да ја зајакне позицијата на македонската гимнастика на глобално ниво и да поддржи важни одлуки и иницијативи што ќе се разгледуваат. Присуството на македонската делегација е од големо значење за унапредувањето на гимнастичкиот спорт кај нас и за градење нови соработки со меѓународната гимнастичка заедница.

Македонската гимнастичка федерација останува посветена на развојот и промоцијата на гимнастиката во земјата и во меѓународни рамки, поттикнувајќи активности кои ќе придонесат за растот на овој спорт и за афирмација на македонските спортисти на светската сцена.