Федерацијата на гимнастичките спортови на Република Северна Македонија, е здружение на граѓани настанато со здружување на Клубовите за гимнастички спортови во Република Македонија, заради остварување и усогласување на своите интереси и заради вршење на дејности и активности кои се стремат кон развивање, организирање, поттикнување, пропагирање, збогатување, негување, популаризирање, унапредување и реализирање на најразновидни форми, содржини и методи на работа во гимнастиката и гимнастичките спортови кај граѓаните од сите возрасти во Република Македонија, со цел во гимнастиката и гимнастичките спортови да се постигнат врвни спортски резултати, како и да се задоволат основните интереси на учесниците во оваа област.
Федерацијата своите цели и задачи ќе ги остварува во согласност со Уставот на Република Македонија, Законот, особено Законот за спорт, овој Статут општите и другите акти што ќе ги донесе.
Името на Федерацијата е: ФЕДЕРАЦИЈА НА ГИМНАСТИЧКИТЕ СПОРТОВИ НА РЕПУБЛИКА СЕВЕРНА МАКЕДОНИЈА. Скратен назив е ФГСРМ.
Седиште на федерацијата е во Битола на улица „Партизанска 25“. и во други градови. Федерацијата се организира и делува на подрачјето на Република Македонија и пошироко. Федерацијата се здружува и е член на Македонскиот олимписки комитет, како и сите меѓународни институции и асоцијации во областа на гимнастиката и гимнастичките спортови.